اَلشُّرْطَةُ [eş-şurṯat] (غُرْفَةٌ [ġurfet] vezninde) شَرْطٌ [şarṯ] olunan şey΄e denir; tekûlu: خُذْ شُرْطَتَكَ أَيْ مَا اشْتَرَطْتَ Ve
شُرْطَةٌ [şurṯat] شُرَطٌ [şuraṯ] lafzının ki صُرَدٌ [ṡurad] veznindedir, müfredi olur; çarkacı taʹbîr olunan mukaddime-i ʹaskere denir, sâ΄ir ʹaskerden mukaddem düşmanla mukâteleye mübâderet eylemeleriyle gûyâ ki nefslerini mevte taʹyîn ve tehyi΄e ederler; yukâlu: هَؤُلاَءِ شُرَطُ الْحَرْبِ أَيْ أَوَّلُ كَتِيبَةٍ تَشْهَدُهَا وَتَتَهَيَّأُ لِلْمَوْتِ Ve vâlî ve hâkim ve zâbit aʹvânından tâ΄ife-i mahsûsaya ıtlâk olunur ki sâ΄irlerden imtiyâz için ʹalâmet-i mahsûsa ile muʹlem olurlar, Fârisîde serheng denir; tüfekçibaşı ve başçavuş ve kolluk çorbacısı ve Üsküdar ustası ve sâ΄ir zâbitân makûlesinin mecmûʹuna ıtlâk olunur. Müfredi شُرْطِيٌّ [şurṯiyy]dir, تُرْكِيٌّ [turkiyy] vezninde ve شُرَطِيٌّ [şuraṯiyy]dir, جُهَنِيٌّ [cuheniyy] vezninde.
اَلشُّرْطَةُ [eş-şurṯat] (kezâlik şîn’in zammı ve râ’nın fethiyle) Vâhidi.
Sitemizde detaylı hızlı ve kolay arama ekranı