اَلصَّعْفُ [eṡ-ṡaʹf] (ṡâd’ın fethi ve ʹayn’ın sükûnuyla) Bir cins küçük kuş adıdır; cemʹi صِعَافٌ [ṡiʹâf] gelir ṡâd’ın kesriyle. Bunu ötleğen kuşu ile beyân ederler ki bokluca bülbül dedikleridir. Ve
صَعْفٌ [ṡaʹf] Bir gûne şarâb ismidir ki baldan ittihâz olunur yâhûd üzümü ezip bir kap içre koyduktan sonra kendi kendisine kaynayıp baʹdehu istiʹmâl ederler.
اَلصَّعْفُ [eṡ-ṡaʹf] (ṡâd’ın fethi ve ʹayn’ın sükûnuyla) Bir şarâbın ismidir ki ehl-i Yemen’e mahsûstur, üzümü soyup bir kap içinde kaynayıp köpüğin atınca terk ederler. Ve ehl-i Yemen’in câhilleri ona hamr demezler mahsûs ismi olduğundan ötürü.
Sitemizde detaylı hızlı ve kolay arama ekranı