اَلصِّفَاحُ [eṡ-ṡifâḩ] (كِتَابٌ [kitâb] vezninde) Yanakların ʹarzı cihetinde silinmiş ve sıyrınmış gibi olan yassılığa denir ki o sebeble yanakların ittisâʹı haddi mütecâviz olur ve bu at kısmında kerîhedir. Ve
صِفَاحٌ [Ṡifâḩ] Ṯâ΄if’le Mekke beyninde vâkiʹ Cebelu Nuʹmân hizâsında bir niçe dağlara ıtlâk olunur.
اَلصُّفَّاحُ [eṡ-ṡuffâḩ] (رُمَّانٌ [rummân] vezninde) Bu dahi yufkaca yassı taşa denir, kuyu ağızına konulan taş kapak gibi. Ve hörgücü pek büyük olan deveye denir. Cemʹi صُفَّاحَاتٌ [ṡuffâḩât] gelir ve صَفَافِيحُ [ṡafâfîḩ] gelir. Ve
صُفَّاحٌ [Ṡuffâḩ] Bâdiyede Žerve nâm mahal kurbünde bir mevziʹ adıdır.
اَلصِّفَاحُ [eṡ-ṡifâḩ] (ṡâd’ın kesriyle) صَفْحٌ [ṡafḩ]ının cemʹidir. Ve
صَفْحٌ [Ṡafḩ] Bir kişinin ismidir Benî Kelb kabîlesinden.
اَلصُّفَّاحُ [eṡ-ṡuffâḩ] (ṡâd’ın zammı ve fâ’nın teşdîdiyle) Enli taş, حَجَرٌ عَرِيضٌ maʹnâsına.
Sitemizde detaylı hızlı ve kolay arama ekranı