Kamus-ı Muhit - الضوع maddesi

اَلضُّوَعُ [eḋ-ḋuvaʹ] (صُرَدٌ [ṡurad] vezninde ve عِنَبٌ [ʹineb] vezninde) Gece kuşlarından bir kuş ismidir. Baʹzılar çağırgan toy kuşudur dediler, كَرَوَانٌ [kerevân] gibi. Ve baʹzılar baykuşun erkeğine denir ve baʹzılar kargaya şebîh bir siyâh ve hoş-lahm bir kuştur dediler; cemʹi أَضْوَاعٌ [aḋvâʹ] ve ضِيعَانٌ [ḋîʹân] gelir ḋâd’ın kesriyle. Ve Burhân-ı Ḵâṯıʹ’da bu ishâk kuşu ile mübeyyendir.

اَلضَّوْعُ [eḋ-ḋavʹ] (نَوْعٌ [nevʹ] vezninde) Bir nesneyi oynatıp muztarib ve bî-karâr eylemek maʹnâsınadır; yukâlu: ضَاعَهُ يَضُوعُهُ ضَوْعًا إِذَا حَرَّكَهُ وَأَقْلَقَهُ Ve korkutmak ve korku vermek maʹnâsınadır; yukâlu: ضَاعَهُ إِذَا أَفْزَعَهُ Ve bir kimseyi zahmet ve meşakkate uğratmak maʹnâsınadır; yukâlu: ضَاعَهُ إِذَا شَاقَّهُ Ve seyr ve sefer dâbbeyi arıklatmak maʹnâsınadır; yukâlu: ضَاعَ السَّفَرُ الدَّابَّةَ إِذَا هَزَلَهَا Ve kuş yavrusunu ağzıyla yemlemek maʹnâsınadır; yukâlu: ضَاعَ الطَّائِرُ فَرْخَهُ إِذَا زَقَّهُ Ve râyihalı nesne tahrîk olunmakla râyihası etrâfa yayılmak maʹnâsınadır; yukâlu: ضَاعَ الْمِسْكُ إِذَا تَحَرَّكَ فَانْتَشَرَتْ رَائِحَتُهُ وَكَذَلِكَ الشَّيْءُ الْمُنْتِنُ Ve rüzgâr ağacın dalını bir tarafa eğmek maʹnâsınadır; yukâlu: ضَاعَتِ الرِّيحُ الْغُصْنَ إِذَا مَيَّلَتْهُ Ve çocuk ağlamaktan oğunmak maʹnâsınadır; yukâlu: ضَاعَ الصَّبِيُّ إِذَا تَضَوَّرَ مِنَ الْبُكَاءِ

Vankulu Lugatı - الضوع maddesi

اَلضُّوَعُ [eḋ-ḋuvaʹ] (ḋâd’ın zammı ve vâv’ın fethiyle) Gece ile uçan kuşlardandır, baykuş cinsinden. Ve Mufaḋḋal eyitti: Baykuşun erkeğidir.

اَلضَّوْعُ [eḋ-ḋavʹ] (ḋâd’ın fethi ve vâv’ın sükûnuyla) Bir nesneyi tahrîk etmek; yukâlu: ضَاعَهُ يَضُوعُهُ ضَوْعًا إِذَا حَرَّكَهُ وَأَقْلَقَهُ Ve korkutmak maʹnâsına dahi gelir; yukâlu: ضَاعَهُ يَضُوعُهُ إِذَا أَفْزَعَهُ Ve

ضَوْعٌ [ḋavʹ] Misk tahrîk olundukta râyiha vermeğe dahi derler; yukâlu: ضَاعَ الْمِسْكُ إِذَا تَحَرَّكَ وَانْتَشَرَتْ رَائِحَتُهُ