اَلْعَوِيصُ [el-ʹavîṡ] (أَمِيرٌ [emîr] vezninde) Şol şiʹre denir ki maʹnâ ve mazmûnunu fehm ve istihrâc eylemek müşkil ola; yukâlu: شِعْرٌ عَوِيصٌ إِذَا صَعُبَ اسْتِخْرَاجُ مَعْنَاهُ Ve me΄nûse olmayan garîb ve vahşî söze denir; yukâlu: كَلِمَةٌ عَوِيصٌ أَيْ غَرِيبَةٌ Ve şedîd olan âfete ve dâhiyeye denir; yukâlu: دَاهِيَةٌ عَوِيصَةٌ أَيْ شَدِيدَةٌ Ve saʹb ve düşvâr işe denir; yukâlu: أَمْرٌ عَوِيصٌ أَيْ صَعْبٌ Ve şiddet ve mihnet maʹnâsınadır; yukâlu: رَكِبَ الْعَوِيصَ أَيِ الشِّدَّةَ Ve pek ve sulb olan toprağa denir. Ve sert ve sarp ve dürüşt mekâna denir; yukâlu: مَكَانٌ عَوِيصٌ أَيْ شَئِزٌ Ve nefs ve rûh-ı hayvânî maʹnâsınadır; yukâlu: هُوَ شَدِيدُ الْعَوِيصِ أَيِ النَّفْسِ Ve zor ve kuvvet ve hareket maʹnâlarınadır; yukâlu: بِهِ عَوِيصٌ أَيْ قُوَّةٌ ve yukâlu: لَهُ عَوِيصٌ أَيْ حَرَكَةٌ Ve tilki yollarına denir ki eğri büğrü, aşağılı yukarılı olur; hîle-kâr hayvân olmakla ondan sâ΄ir cânverin sülûku pek güç olur.
اَلْعَوِيصُ [el-ʹavîṡ] (ʹayn’ın fethi ve vâv’ın kesri ve meddiyle) Şol şiʹrdir ki maʹnâsının istihrâcı müşkil ola.
Sitemizde detaylı hızlı ve kolay arama ekranı