اَلْعَوْهَقُ [el-ʹavhaḵ] (جَوْهَرٌ [cevher] vezninde) Uzun adama denir; müzekker ve mü΄ennese ıtlâk olunur; yukâlu: رَجُلٌ وَامْرَأَةٌ عَوْهَقٌ أَيْ طَوِيلٌ Ve bir buğur adıdır ki soy develer ona nisbet olunur. Ve levni siyâha mâ΄il karamtık öküze denir. Ve dağ kırlangıcı dedikleri kuşa denir. Ve kara kargaya denir. Ve lâzverd yaʹnî lâciverd taʹbîr olan hacere denir, ʹalâ-kavlin lâciverde şebîh bir türlü boya ismidir. Ve semâ΄ renginde olup karamtıkça olan levne denir ki koyu mâ΄î ve lâciverdî olacaktır. Ve baʹzılar ʹindinde siyâh tüylü deveye denir. Ve boz renkli devekuşunun uzun olanına denir. Ve kayın ağacının güzîdesine denir ki yay düzerler. Ve bir çemen-zâr ismidir.
اَلْعَوْهَقُ [el-ʹavhaḵ] (ʹalâ-vezni حَيْدَر [ḩaydar]) Uzun, tavîl maʹnâsına. Bunda tezkîr ve te΄nîs berâber olur. Ve Ḣalîl eyitti: عَوْهَقٌ [ʹAvhaḵ] bir dağın ismidir ki zamân-ı evvelden develerin aʹlâsı ona nisbet olur. Ve gâh olur levn-i عَوْهَقٌ [ʹavhaḵ]la siyâh renk murâd olur yâhûd siyâha mâ΄il olan murâd olur. Cevherî eydür: Benî Suleym ʹArablardan birine مَا الْعَوْهَقُ dedim, eyitti: اَلطَّوِيلُ مِنَ الرُّبْدِ Ve رُبْدٌ [rubd] râ-i mühmelenin zammı ile devekuşları maʹnâsına.
Sitemizde detaylı hızlı ve kolay arama ekranı