اَلْعَيُّوقُ [el-ʹAyyûḵ] (قَيُّومٌ [ḵayyûm] vezninde) Bir kırmızı tâbân ve müşteʹil kevkebin ismidir, Kehkeşân’ın dâ΄imâ sağ tarafında Süreyyâ’nın ardınca gidip ve Süreyyâ’ya takaddüm eylemez; yukâlu: طَلَعَ الْعَيُّوقُ وَهُوَ نَجْمٌ أَحْمَرُ مُضِيءٌ فِي طَرَفِ الْمَجَرَّةِ الْأَيْمَنِ يَتْلُو الثُّرَيَّا لَا يَتَقَدَّمُهَا Şârihin beyânına göre Deberân dedikleri kevkebler ile Süreyyâ miyânında olmakla onları Süreyyâ ile mülâkâttan عَوْقٌ [ʹavḵ] ve menʹ eylediği için عَيُّوقٌ [ʹayyûḵ] ıtlâk eylediler. Ve bu فَيْعُولٌ [feyʹûl] veznindedir, vâv yâ’ya münkalib ve idgâm olundu. Ve Ezherî ʹindinde يَفْعُولٌ [yefʹûl] veznindedir.
اَلْعَيُّوقُ [el-ʹAyyûḵ] (ʹayn’ın fethi ve yâ’nın zammı ve teşdîdiyle) Bir kırmızı şuʹleli yıldızdır, sağ cânibinde olan kehkeşân yanında Süreyyâ’nın ardınca gidip Süreyyâ’dan ileri geçmez. Ve bunun aslı فَيْعُولٌ [feyʹûl]dur,vaktâ ki vâv’la yâ cemʹ olup evvel sâkin olduysa idgâm olunup müşedded oldu.
Sitemizde detaylı hızlı ve kolay arama ekranı