اَلْغَضَاةُ [el-ġaḋât] (ḋâd-ı muʹceme ile حَصَاةٌ [ḩaṡât] vezninde) Bir şecer-i maʹrûf adıdır; cemʹi غَضَا [ġaḋâ] gelir; ve minhu: ذِئْبُ غَضَا Bu şecer bâdiye eşcârındandır, Fârisîde tâġ ve Türkîde dağdağan ve süksük ağacı derler; be-gâyet metîn olur, âteşi niçe gün söyünmeyip durur, Beyne’l-ʹArab نَارُ الْغَضَا [nâru’l-ġaḋâ] müteʹâreftir. Ve o ağaçlıkta türeyip îvâ eden kurt kısmı be-gâyet habîs ve mugtâl olmakla: “ذِئْبُ غَضَا” ve “أَخْبَثُ مِنْ ذِئْبِ الْغَضَا” mesel-i aʹrâbdandır. Ve ʹArablar baʹzı hayvânı ve baʹzı emkine ve merâʹîye muzâf ederler, zîrâ emkine ve agdiyenin tıbâʹlarında te΄sîrleri olduğundan gûyâ ki onunla neş΄et eylemişlerdir. Ve
غَضَا [Ġaḋâ] Benî Kilâb’a mahsûs bir arzın adıdır. Ve Necd ülkesinde bir vâdî adıdır. Ve ormana denir.
Sitemizde detaylı hızlı ve kolay arama ekranı