اَلْغِسْلِينُ [el-ġislîn] (ġayn’ın kesriyle) Bu dahi مَغْسُولٌ [maġsûl] olan sevb makûlesine denir. Ve ehl-i cehennemin muhterak olurken derilerinden seyelân eden çirk-âba denir ki yaykantı menzilindedir. Kâle taʹâlâ: ﴿وَلَا طَعَامٌ إِلَّا مِنْ غِسْلِينَ﴾ وَهُوَ مَا يَسِيلُ مِنْ جُلُودِ أَهْلِ النَّارِ Ve pek ıssı ve germ-nâk nesneye denir. Ve cehennemde bir şecerin adıdır. Şârihin beyânına göre فِعْلِينٌ [fiʹlîn] veznindedir, yâ΄ ve nûn zâ΄iddir, mübâlagayı mutazammındır.
اَلْغِسْلِينُ [el-ġislîn] (ġayn’ın kesri ve sîn’in sükûnu ve lâm’ın kesri ve meddiyle) Cehennem ehlinin etlerinden akan sarı su ve gayrı, gûyâ ki ehl-i cehennemin etleri onunla yunur gâyet-i kesretinden, pes kelime-i mezkûrede yâ ve nûn ziyâde olunmuştur, عِفِرِّينَ [ʹİfirrîn] gibi ki عِفِرِّينَ [ʹİfirrîn] bir şehrin ismidir.
Sitemizde detaylı hızlı ve kolay arama ekranı