اَلْكَمْتُ [el-kemt] ve
اَلْكَمْتَةُ [el-kemtet] (kâf’ların fethiyle) ve
اَلْكَمَاتَةُ [el-kemâtet] (كَرَامَةٌ [kerâmet] vezninde) At كُمَيْتٌ [kumeyt] olmak maʹnâsınadır; yukâlu: كَمُتَ الْفَرَسُ كَمْتًا وَكَمْتَةً وَكَمَاتَةً مِنَ الْبَابِ الْخَامِسِ إِذَا كَانَ كُمَيْتًا Ve
كَمْتٌ [kemt] Derûnda gayz ve kîne gizlemek maʹnâsınadır; yukâlu: كَمَتَ الْغَيْظَ كَمْتًا مِنَ الْبَابِ اْلأَوَّلِ إِذَا أَكَنَّهُ
اَلْكُمْتَةُ [el-kumtet] (جُرْعَةٌ [curʹat] vezninde) Zikr olunan كُمَيْتٌ [kumeyt] rengine denir ki hurmâyî doruluktur; esvâbda güvezî taʹbîr olunur.
اَلْكُمْتَةُ [el-kumtet] (kâf’ın zammı ve mîm’in sükûnuyla حُمْرَةٌ [ḩumret] vezni üzere) كُمَيْتٌ [kumeyt]in levni. Ve bu şol kırmızılıktır ki ona قُنُوءٌ [ḵunû΄] karışmış ola. Ve قُنُوءٌ [ḵunû΄] ḵâf’ın ḵâf’ın ve nûn’un zammıyla kırmızı renk ziyâde kavî olup siyâha mâ΄il olmaktır. Sîbeveyhi eyitti: Ḣalîl’den كُمَيْتٌ [kumeyt]i su΄âl ettiğimde كُمَيْتٌ [kumeyt]i sîga-i tasgîrde îrâd ettiler, zîrâ كُمَيْتٌ [kumeyt] bir levndir ki kara ile kırmızı beynindedir, pes bir cânibde hâlis olmadığı için tasgîrle o levnlere kurbü işʹâr ettiler. Ve كُمَيْتٌ [kumeyt]le أَشْقَرُ [eşḵar] beyninde fark budur ki yele ile kuyruğa nazar olunur; eğer yele ve kuyruk kırmızı olursa أَشْقَرُ [eşḵar] olur ve eger siyâh olursa كُمَيْتٌ [kumeyt] olur.
Sitemizde detaylı hızlı ve kolay arama ekranı