اَلْكُمْلُولُ [el-kumlûl] (زُنْبُورٌ [zunbûr] vezninde) قُنَابَرَى [ḵunâberâ] ile maʹrûf olan nebâta denir ki شَجَرَةُ الْبَهَقِ [şeceretu’l-behaḵ] dahi derler, Fârisîde bergast derler, Türkîde Ermenîler hıyârı ve sülüklü pancar derler. İbtidâ-yı bahârda sâ΄ir sebzelerden mukaddem شَوْكٌ [şevk] ve عَوْسَجٌ [ʹavsec] inbât eden arâzî-i tayyibede çok yetişir latîf ü cellâ΄ ve بَهَقٌ [behaḵ] ve وَضَحٌ [veḋaḩ] ʹârızalarına eklen ve zımaden enfaʹ ve eyyâm-ı kalîlede onları müzîl ve miʹdeye ve ciğere sâlih ve mizâc-ı mahrûra vü mebrûda muvâfık ve mümellihi taʹâma müştehîdir.
اَلْكُمْلُولُ [el-kumlûl] (kâf’ın ve lâm’ın zammı ve mîm’in sükûnuyla) Berriyye maʹnâsınadır. Ve Ḣalîl eyitti: كُمْلُولٌ [kumlûl] bir otun ismidir ki ona lisân-ı Fârisîde berġast derler. Ve bergast, ḣîruk dedikleri ottur ki tabîbler katında kına berrî demekle maʹrûftur.
Sitemizde detaylı hızlı ve kolay arama ekranı