اَلْمَذَاكِيرُ [el-mežâkîr] Âlet-i cimâʹ maʹnâsına olan ذَكَرٌ [žeker]in cemʹidir, ʹalâ-hilâfi’l-kıyâs gûyâ ki erkek maʹnâsına olan ذَكَرٌ [žeker]le âlet maʹnâsına olan ذَكَرٌ [žeker]in sîga-i cemʹde beynlerin fark etmişlerdir. Aḣfeş eyitti: Bu bir cemʹdir ki bunun vâhidi yoktur, عَبَادِيدُ [ʹabâdîd] ve أَبَابِيلُ [ebâbîl] gibi. Ve عَبَادِيدُ [ʹabâdîd] nâstan firak-ı muhtelifeye derler. Ve أَبَابِيلُ [ebâbîl] maʹrûf kuşlardır. Ve
ذَكَرٌ [žeker] Demirin sertine dahi ıtlâk olunur. Ve nebâtâttan galîz olup acılığa mâ΄il olana dahi ذَكَرٌ [žeker] derler. Ve
ذَكَرٌ [žeker] Şol kılıca derler ki demiri berrâk olup kemâliyle suvarılmış ola. Ve Ebû ʹUbeyd eyitti: ذَكَرٌ [žeker] şol kılıca derler ki onun yüzü pûlâddan olup arkası kara demir ola. Ve Ebû ʹUbeyd eyitti: ʹAvâmm-ı nâs bu makûle kılıca ʹamel-i cinndir derler.
Sitemizde detaylı hızlı ve kolay arama ekranı