اَلْمُسْبَعُ [el-musbaʹ] (مُكْرَمٌ [mukrem] vezninde) Mütref maʹnâsınadır ki terbiye ve te΄dîbinden ihmâl olunmakla hod-ser olarak hevâsına kalmış gümrâha, ʹalâ-kavlin nesebi nâ-maʹlûm kimseye yâhûd veled-i zinâya yâhûd anası vefât eylemekle sâ΄irler emzirmiş olana yâhûd yedinci babaya kadar yâhûd dördüncü babaya kadar kul cinsi olana yâhûd yırtıcı cânverler içre ihmâl olunmakla onlar ile neşv ü nemâ bulduğundan onlar gibi hubs ve mazarratla matbûʹ yâhûd yedi aylık doğmuş adama denir; yukâlu: رَجُلٌ مُسْبَعٌ أَيْ مُتْرَفٌ أَوْ دَعِيٌّ أَوْ وَلَدُ الزِّنَا أَوْ مَاتَ أُمُّهُ فَرَضَعَتْهُ غَيْرُهَا أَوْ مَنْ عُبُودِيَّتُهُ إِلَى سَبْعَةِ آبَاءٍ أَوْ إِلَى أَرْبَعَةِ آبَاءٍ أَوْ مَنْ أُهْمِلَ مَعَ السِّبَاعِ فَصَارَ كَسَبُعٍ خُبْثًا أَوِ الْمَوْلُودُ لِسَبْعَةِ أَشْهُرٍ Gerçi cemîʹ-i nüshalarda أَوْ إِلَى أَرْبَعَةِ آبَاءٍ ʹibâretiyle mersûmdur, lâkin dakîka-i erbaʹiyyet münfehim oldu.
Sitemizde detaylı hızlı ve kolay arama ekranı