اَلْمُوَاعَسَةُ [el-muvâʹaset] (مُفَاعَلَةٌ [mufâʹalet] vezninde) Deve kısmı bir gûne yürümek maʹnâsınadır ki murâd boynunu uzatıp adımlarını seyrek seyrek atarak yürümek olacaktır; yukâlu: اَلْإِبِلُ وَاعَسَتْ لَيْلَتَهَا مُوَاعَسَةً وَهِيَ ضَرْبٌ مِنْ سَيْرِهَا Ve وَعْسٌ [vaʹs] dedikleri mezkûr kumluğu çiğnemek maʹnâsınadır; yukâlu: وَاعَسَتِ الْإِبِلُ إِذَا وَاطَأَتِ الْوَعْسَ Ve yürümekte muʹâraza eylemek yaʹnî sebk ve ziyâdetleri ʹayân olmak için birbiriyle yürüyüşmek maʹnâsınadır, ʹalâ-kavlin bu yürüyüşmek geceye mahsûstur; yukâlu: وَاعَسَ فُلاَنًا إِذَا بَارَاهُ فِي السَّيْرِ وَلاَ يَكُونُ إِلاَّ لَيْلاً
اَلْمُوَاعَسَةُ [el-muvâʹaset] (mîm’in zammı ve ʹayn’ın fethiyle) Devenin bir cins yürümesi ki o boynun uzatıp adımın vâsiʹ kılmakla olan yürümesidir. Ve
مُوَاعَسَةٌ [muvâʹaset] Gece gitmeğe dahi derler; yukâlu: وَاعَسْنَا أَيْ أَدْلَجْنَا وَلَا يَكُونُ الْمُوَاعَسَةُ إِلَّا بِاللَّيْلِ Yaʹnî devenin zikr olunan vech üzere yürümesi geceye mahsûstur.
Sitemizde detaylı hızlı ve kolay arama ekranı