اَلْمَوْزُ [el-mevz] (جَوْزٌ [cevz] vezninde) Semer-i maʹrûf ismidir; tabîʹati müleyyin ve bevli müdirr ve cimâʹı muharrik ve nutfeyi ve balgam ve safrâyı mükessirdir. Ve iksâr-ı ekli hâzımeyi pek musakkil ve muzaʹʹiftir. Ağacının her şâhında üçten beş yüze kadar meyve hâsıl olur. Semer-i maʹrûf Mıṡır ve Ḩicâz tarafına mahsûstur; müfredi مَوْزَةٌ [mevzet]tir.
اَلْمَوْزُ [el-mevz] (mîm’in fethi ve vâv’ın sükûnuyla) İncîre şebîh bir meyvedir ki diyâr-ı ʹArabda nevâhî-i Şâm-ı şerîfte çok olur, ağacı cevz ağacı kadar olur. Ve bu takrîrden maʹlûm olur ki sâhib-i Ṡurâḩ’ın مَوْزٌ [mevz] mevîz dediği hatâ olur, zîrâ mevîz kuru üzümdür, زَبِيبٌ [zebîb] maʹnâsına. Ve Kemâlpaşazâde’nin dahi Muḩîṯu’l-Luġa nâm kitâbında مَوْزٌ [mevz] engûr-ı Şâmî dediği dahi bu kabîldendir.
Sitemizde detaylı hızlı ve kolay arama ekranı