اَلْمُوضِحَةُ [el-mûḋiḩat] (ism-i fâʹil bünyesiyle) Şol baş yarığına ıtlâk olunur ki baş kemiğinin وَضَحٌ [veḋaḩ]ını yaʹnî beyâzını izhâr eyleye ki kemiğe kadar te΄sîr eylemiş olur. Şârihin beyânına göre buna kısâs terettüb eder. Ve şârihin beyânına göre baş yarığı on bir mertebedir: 1. حَارِصَةٌ [ḩâriṡat]tır ki yırtılıp kan çıkmaya. 2. دَامِعَةٌ [dâmiʹat]tır ki kan çıka, ammâ seyelân eylemeye. 3. دَامِيَةٌ [dâmiyet]tir ki kan seyelân eyleye. 4. مُتَلاَحِمَةٌ [mutelâḩimet]tir ki deriden sonra et dahi yarıla. 5. بَاضِعَةٌ [bâḋiʹat]tır ki ancak derisi yırtılmış ola. 6. مُوضِحَةٌ [mûḋiḩat]tır ki kemiğe dek yarıla. 7. مَلْطَاءُ [melṯâ΄]dır ki kasrı dahi câ΄izdir, deri ve eti tamâm yırtıla lâkin cild-i rakîk yırtılmaya ki ona سِمْحَاقٌ [simḩâḵ] denir. 8. هَاشِمَةٌ [hâşimet]tir ki kemik dahi kırıla. 9. مُنْتَقِلَةٌ [munteḵilet]tir ki kemik yerinden oynamış ola. 10. آمَّةٌ [âmmet]tir ki kemikten içeri olan cild ki أُمُّ الدِّمَاغِ [ummu’d-dimâġ]dır, ona kadar yarıla. 11. دَامِغَةٌ [dâmiġat]tır ki dimâga dek o deri dahi yarıla. Bunların kütüb-i fıkhiyyede ahkâm-ı mahsûsaları vardır.
اَلْمُوضِحَةُ [el-mûḋiḩat] (mîm’in zammıyla) Şol baş yarığıdır ki başın kemiğinin beyâzın göstere.
Sitemizde detaylı hızlı ve kolay arama ekranı