اَلنَّبَائِتُ [en-nebâ΄it] (نَبِيتَةٌ [nebîtet]in cemʹidir, أَعْضَادُ فُلْجَانٍ maʹnâsınadır ki tarla ve bostân kenârlarında ve içlerinde cârî olan küçük harkların taşmasın diye iki yanlarına ettikleri pazıya denir ki Fârisîde merz taʹbîr olunur, tarla ve bostân sınırları gibi olur, gûyâ ki bu dahi bi’l-hey΄e nebât kısmındandır. Burada ġayn-ı muʹceme ve ṡâd ve nûn’la أَغْصَانُ الْفُلْجَانِ nüshaları galattır, sahîh olan أَعْضَادٌ olmaktır ki عَضُدٌ [ʹaḋud]un cemʹidir. Kâle fi’l-Esâs: أَعْضَادُ الدَّبْرَةِ وَهِيَ جُذُورُهَا الَّتِي تُمْسِكُ الْمَاءِ Ve ümmehât-ı sâ΄irede dahi أَعْضَادٌ ʹunvânında mersûmdur. Ve فُلْجَانٌ [fulcân] fâ’nın zammıyla sevâkî-i zerʹa denir ki سَاقِيَةٌ [sâḵiyet]in cemʹidir, niteki Tekmile’de musarrahan mastûrdur.
Sitemizde detaylı hızlı ve kolay arama ekranı