اَلنَّيْرُوزُ [en-neyrûz] (nûn’un fethiyle) Nev-rûz-ı Fârisî muʹarrebidir ki yeni gün demektir, senenin yaʹnî sene-i şemsiyyenin ibtidâ gününe denir; murâd ferverdîn-mâhın evvel günüdür ki neyyir-i aʹzamın nokta-i evvel-i hamele tahvîl eylediği gündür. Mervîdir ki İmâm ʹAlî radıyallâhu ʹanhu hazretlerine yevm-i mezbûrda haleviyyâta dâ΄ir nesne takdîm olunmakla sebebinden su΄âl ettiklerinde neyrûz resmi olduğunu ifâde eylemeleriyle نَيْرِزُونَا كُلَّ يَوْمٍ dediler, cemʹ-i emr bünyesiyle. Kezâlik rûz-i mihricânda yine resm-i mezbûr icrâ olundukta مَهْرِجُونَا كُلَّ يَوْمٍ dediler, yaʹnî “Sizler bize her gün nevrûz ve her gün mihricân kâʹidesini icrâ eyleyesiz.” Ve mihricân sâbiʹ-i şühûr-ı şemsiyyedir ki şemsin mîzâna tahvîli hengâmdır. Fürs-i kadîmde iki ʹîd-i ʹazîm var idi, biri nevrûz ve biri mihricân günü idi. Zâhiren İmâm ʹAlî, ʹIrâḵ tarafında oldukları eyyâmda vâkiʹ olmuştur. Ve İbn Neyrûz el-Enmâṯî muhaddistir.
Sitemizde detaylı hızlı ve kolay arama ekranı