اَلنَّيْلُوفَرُ [en-neylûfer] (nûn’un ve fâ’nın fethiyle ve bunda نَيْنُوفَرُ [neynûfer] dahi denir lâm bedeli nûn’la) Reyâhîn nevʹindendir, ʹavâmm-ı Türkîde lüfer dedikleri çiçektir. Miyâh-ı râkidede nâbit olur. Derece-i sâlisede bârid ve sâniyede ratbdır. Müleyyin ve huşûnet-i sadrı ve suʹâli muslih ve yan ve akciğerde hâdis olan evcâʹa müfîd ve su ile maʹcûn olmuş kökünü defeʹâtla tılâ behak ʹilletini müzîl ve zift ile maʹcûn olunmuşunu tılâ dâ΄ü’s-saʹleb ʹilletini izâlede bî-ʹadîldir. Mütercim der ki müfredât-ı Fârisiyyede nîlûfer, nîlûper muʹarrebi olmak üzere mersûmdur.
Sitemizde detaylı hızlı ve kolay arama ekranı