اَلْهَوْجَلُ [el-hevcel] (جَوْهَرٌ [cevher] vezninde) Nişânsız ve ʹalâmetsiz ırak beyâbâna denir; yukâlu: سَلَكُوا هَوْجَلًا أَيْ مَفَازَةً بَعِيدَةً لَا عَلَمَ لَهَا Ve şol nâkaya denir ki bönlüğünden ve hamâkatinden sürʹatle yürüyüp gider ola; yukâlu: نَاقَتِي هَوْجَلٌ إِذَا كَانَ بِهَا هَوَجٌ مِنْ سُرْعَتِهَا Ve kılavuza denir, delîl ve rehber maʹnâsına. Ve kâhil ve üşengen sakîl adama denir; yukâlu: رَجُلٌ هَوْجَلٌ أَيْ بَطِيءٌ ثَقِيلٌ Ve ahmak ve sebük-magz adama denir; yukâlu: رَجُلٌ هَوْجَلٌ أَيْ أَحْمَقُ Ve ferci vâsiʹ karıya denir. Ve rûspîye denir; yukâlu: هِيَ هَوْجَلٌ أَيْ فَاجِرَةٌ Ve gevşek ve salkı yürüyüşe denir; yukâlu: يَمْشِي هَوْجَلًا أَيْ مُسْتَرْخِيًا Ve pek uzun geceye denir, لَيْلٌ طَوِيلٌ maʹnâsına. Ve gözde kalan uyku bakiyyesine denir ki onu tekmîl eylemedikçe dimâg âsûde olmaz; tekûlu: إِنْتَبَهْتُ وَفِي عَيْنِي هَوْجَلٌ أَيْ بَقِيَّةُ النُّعَاسِ Ve gemi demirine denir, lenger maʹnâsına; yukâlu: أَرْسَى السَّفِينَةَ بِالْهَوْجَلِ أَيْ بِالْأَنْجَرِ Ve şol uzun ahmak adama denir ki humkundan dâ΄imâ tîz tîz ve çalık çalık yürür ola; yukâlu: رَجُلٌ هَوْجَلٌ أَيْ أَهْوَجُ
اَلْهَوْجَلُ [el-hevcel] (hâ’nın ve cîm’in fethi ve vâv’ın sükûnuyla) Sürʹatli olan deve.
Sitemizde detaylı hızlı ve kolay arama ekranı