خَتْلَانُ [Ḣatlân] (سَلْمَانُ [selmân] vezninde) Bir belde adıdır. Bu belde Türkistân’da vâkiʹdir, nisbetinde خَتْلِيٌّ [Ḣatliyy] denir ḣâ’nın fethi ve tâ’nın sükûnuyla. Şârih der ki bu nisbetin vechi maʹlûm olmadı. Mütercim der ki kütüb-i cogrâfiyyenin baʹzında خَتْلٌ [Ḣatl] قَتْلٌ [ḵatl] vezninde Bedaḣşân ülkesinde bir vilâyet adıdır, ona خَتْلَانُ [Ḣatlân] dahi derler diye muharrer olmakla خَتْلِيٌّ [Ḣatliyy] ehaffına nisbet olunmuş olur. Ve baʹzında خَتْلٌ [Ḣatl] şehrin ve خَتْلَانُ [Ḣatlân] eyâletinin ismi olmak üzere mersûm olmakla nisbeti muvâfık olur.
Sitemizde detaylı hızlı ve kolay arama ekranı