اَلدَّرْدَبَةُ [ed-derdebet] (زَلْزَلَةٌ [zelzelet] vezninde) Bir nesneye dadanmak maʹnâsınadır, niteki دَرَبٌ [dereb] zeylinde zikr olundu. Ve
دَرْدَبَةٌ [derdebet] Havfından firâr eden kimsenin seğirtmesi gibi seğirtmeğe denir ki arkasından gelir var vehmiyle hem kaçar hem câ-be-câ dönüp arkasına nazar ve iltifât eder; yukâlu: دَرْدَبَ زَيْدٌ دَرْدَبَةً أَيْ عَدَا عَدْوَ الْخَائِفِ كَأَنَّهُ يَتَوَقَّعُ مِنْ وَرَائِهِ شَيْئًا فَيَعْدُو وَيَلْتَفِتُ Ve râm ve mutîʹ olmak, huzûʹ ve inkıyâd maʹnâsınadır; ve minhu’l-meselu: “دَرْدَبَ لَمَّا عَضَّهُ الثِّقَافُ” Ve عَضٌّ [ʹaḋḋ] ısırmak maʹnâsınadır ve ثِقَافٌ [šamp;iḵâf] كِتَابٌ [kitâb] vezninde mengeneye ve cendereye ve kısaca denir. Yaʹni “Mengene kendisini sıktığı için rûy-i imtisâl gösterip mutîʹ ve münkâd oldu.” İbtidâ bir husûsta serkeşlik ve temerrüd edip baʹdehu tazyîk oldukta itâʹat ve inkıyâd eden kimse hakkında darb olunur.
Sitemizde detaylı hızlı ve kolay arama ekranı