شَرِبٌ [Şerib] (كَتِفٌ [ketif] vezninde) ve
شُرَيْبٌ [Şureyb] (زُبَيْرٌ [zubeyr] vezninde) ve
شُرْبُبٌ [Şurbub] (قُنْفُذٌ [ḵunfuž] vezninde) ve
شُرْبُوبٌ [Şurbûb] (جُمْهُورٌ [cumhûr] vezninde) ve
شُرْبَةٌ [Şurbet] (تُرْبَةٌ [turbet] vezninde) Bir mevziʹ adlarıdır. Ve
شُرْبُبٌ [şurbub] قُنْفُذٌ [ḵunfuž] vezninde) Şol nebâta denir ki birbirine sarılmış sık ve gür ola.
اَلشَّرِيبُ [eş-şerîb] (أَمِيرٌ [emîr] vezninde) ve
اَلشَّرُوبُ [eş-şerûb] (صَبُورٌ [ṡabûr] vezninde) Bunlar da içilecek nesneye denir, شَرَابٌ [şarâb] maʹnâsına; ʹalâ-kavlin bunlar dûne’l-ʹazb olan suya denir, içme suyu ve kuyu suları gibi ki bir mikdârca şûr-âb olup hasbe’z-zarûre nûş olunur. Ve
شَرُوبٌ [şerûb] Kesîrü’ş-şürb olana denir. Ve erkek taleb eden kızgın dişiye ıtlâk olunur ki kösnek taʹbîr olunur. Ve
شَرِيبٌ [şerîb] Hayvân suvarmak için bir kimse ile bilece kuyudan su çeken kimseye denir; ʹalâ-kavlin hayvânı bir kimsenin hayvânıyla berâberce suvarılan kişiye denir. Ve bir kimse ile berâberce nesne şürb eden kimseye denir, hem-şarâb maʹnâsına.
اَلْمَشْرُوبُ [el-meşrûb] ve
اَلشَّرِيبُ [eş-şerîb] (şîn’in fethi ve râ’nın kesriyle) Şol sudur ki ne tatlı ve ne tuzludur. Ve
شَرِيبٌ [şerîb] Şol kimsedir ki davarları âharın davarlarıyla bile suvarıla.
Sitemizde detaylı hızlı ve kolay arama ekranı