اَلْغَلْبَاءُ [el-ġalbâ΄] (صَحْرَاءُ [ṡaḩrâ΄] vezninde) Eşcârı gür ve sıkı koruluk olan bâgçeye ıtlâk olunur; yukâlu: حَدِيقَةٌ غَلْبَاءُ أَيْ مُتَكَاثِفَةٌ Ve pek bülend ve ʹazîm olan tepe ve bayır makûlesine ıtlâk olunur gûyâ ki bülend ve ʹazîm olup etrâfına müşrif ve müstaʹlî olmakla gâlibiyyet sıfatıyla muttasıf olmuş olur; meselâ yukâlu: هَضْبَةٌ غَلْبَاءُ أَيْ مُشْرِفَةٌ عَظِيمَةٌ Ve ʹizzet ve menâʹat sâhibi kabîleye ıtlâk olunur. Ve
غَلْبَاءُ [ġalbâ΄] Hâssaten bir cemâʹat pederidir ki hâliyen Taġlib denmekle maʹrûftur, tâ’nın fethi ve lâm’ın kesriyle Taġlib b. Vâ΄il b. Ḵâsiṯ olacaktır. Nisbetinde تَغْلَبِيٌّ [Taġlebiyy] denir, yâ-yı nisbetle, kesreteynin tetâbüʹünden istîhâşa mebnî lâm’ı meftûh kılınmıştır. Ve غَلْبَاءُ [ġalbâ΄] ıtlâkı kabîlesine nazar iledir.
Sitemizde detaylı hızlı ve kolay arama ekranı