قُرَيْعٌ [Ḵurayʹ] (زُبَيْرٌ [zubeyr] vezninde) Temîm kabîlesinden bir batnın pederi ismidir ki Benû Enfi’n-Nâḵa cemâʹatidir. Ve ashâbdan Ebu’l-Kenûd Šaʹlebe el-Ḩamrâvî ceddinin ismidir ve Ebû Ziyâd eṡ-Ṡaḩâbî ismidir.
اَلْقَرِيعُ [el-ḵarîʹ] (أَمِيرٌ [emîr] vezninde) Deve köşeğine denir, فَصِيلٌ [faṡîl] maʹnâsına; cemʹi قَرْعَى [ḵarʹâ] gelir, سَكْرَى [sekrâ] vezninde. Ve döl için ihtiyâr olunan erkek deveye denir ki buğur taʹbîr olunur; yukâlu: هَذَا قَرِيعُ الشَّوْلِ أَيْ فَحْلُهَا الْمُخْتَارُ Ve cenkte muhârib ve mudârib olan bahâdıra denir, مُقَارِعٌ [muḵâriʹ] maʹnâsına. Ve gâlib maʹnâsınadır ki bi-maʹnâ fâʹildir. Ve maglûb maʹnâsınadır ki bi-maʹnâ mefʹûldür. Ve
قَرِيعٌ [Ḵarîʹ] ʹUmeyre b. Hâcir’in kılıcı ismidir. Ve kavminin seyyid ve zî-şânına ıtlâk olunur; yukâlu: هُوَ قَرِيعُ قَوْمِهِ أَيْ سَيِّدُهُمْ Ve bir muhaddis ismidir ki ʹİkrime’den rivâyet eylemiştir; İmâm Žehebî vehminden nâşî ḵâf’ın zammıyla zabt eylemiştir.
قُرَيْعٌ [Ḵureyʹ] (ḵâf’ın zammı ve râ’nın fethiyle tasgîr sîgası üzere) Bir cemâʹatin babasıdır. Temîm kabîlesinden ki o Ḵureyʹ b. ʹAvf b. Kaʹb’dir ki cedd-i aʹlâları Zeydumenât’tır.
اَلْقَرْعَى [el-ḵarʹâ] (ḵâf’ın fethi ve elifin kasrıyla) قَرِيعٌ [ḵarîʹ]in cemʹi مَرِيضٌ [merîḋ]le مَرْضَى [merḋâ] gibi; yukâlu: إِسْتَنَّتِ الْفِصَالُ حَتَّى الْقَرْعَى Ve إِسْتِنَانٌ [istinân] davar neşâta gelip oynamağa derler. Ve
قَرِيعٌ [ḵarîʹ] Döl için ihtiyâr olan erkeğe dahi derler, yâ muhtâr olduğu için veyâhûd nâkayı قَرْعٌ [ḵarʹ] ettiği için. Ve
قَرِيعٌ [ḵarîʹ] Seyyid maʹnâsına da gelir; yukâlu: فُلَانٌ قَرِيعُ دَهْرِهِ Ve
قَرِيعٌ [ḵarʹî] Hem-kurʹa maʹnâsına da gelir.
Sitemizde detaylı hızlı ve kolay arama ekranı