اَلْقَسْرُ [el-ḵasr] (كَسْرٌ [kesr] vezninde) Bir adamı bir nesneye kahr ve ikrâh eylemek maʹnâsınadır ki zoraki işletmek taʹbîr olunur; yukâlu: قَسَرَ فُلاَنًا عَلَى أَمْرٍ قَسْرًا مِنَ الْبَابِ اْلأَوَّلِ إِذَا قَهَرَهُ أَيْ أَكْرَهَهُ عَلَيْهِ Ve
قَسْرٌ [Ḵasr] Becîle kabîlesinden bir batn ismidir. Ve Yemen’de Serât dağının ismidir.
اَلْقَسْرَةُ [el-ḵasret] (ḵâf’ın fethi ve sîn’in sükûnuyla) Bir kimseyi bir nesneye muztarr kılmak; yukâlu: قَسَرَهُ عَلَى الْأَمْرِ قَسْرًا إِذَا أَكْرَهَهُ عَلَيْهِ وَقَهَرَهُ Ve
قَسْرٌ [Ḵasr] Becîle kabîlesinden bir cemâʹattır ki onlar ʹAbdullâh b. Ḣâlid el-Ḵasrî’nin cemâʹatidir.
Sitemizde detaylı hızlı ve kolay arama ekranı