قُسْطَنْطِينِيَّةُ [Ḵusṯanṯîniyyet] ki nûn-ı sâniyeden sonra yâ-yı müşeddede iledir. Ve ikisinde dahi ṯâ-yı ûlânın fethiyledir ve baʹzen zammıyla da zebân-zeddir) Rûm pâdişâhlarının dârü’l-mülkü olan şehrin ismidir ki fethi eşrât-ı sâʹattendir. Lisân-ı Rûmîde ismi Buzantiya’dır. Etrâfında dâ΄ir olan sûrun irtifâʹı yirmi bir zirâʹ mikdârdır. Ve derûnunda vâkiʹ kilise müstatîlü’ş-şekl olup ve onun bir cânibinde dikili bir bülend ʹamûd vardır ki devresi takrîben dört kulaç mikdârıdır. Ve o ʹamûdun tepesinde bakırdan dizilmiş bir at sûreti vardır ki üzerine bir kimse süvâr olmuş ve bir elinde altından masnûʹ bir küre tutup dîger elinin parmakları açık olarak o küreye gûyâ ki işâret eder. Ve o süvârî belde-i mezbûrenin ve o kilisenin bânîsi olan Ḵosṯanṯin nâm kayserin sûretidir.
Sitemizde detaylı hızlı ve kolay arama ekranı