لَبَّيْكَ وَسَعْدَيْكَ [lebbeyke ve saʹdeyke] Ey: إِسْعَادًا بَعْدَ إِسْعَادٍ Niteki لَبَّيْكَ [lebbeyke] إِلْبَابًا لَكَ بَعْدَ إِلْبَابٍ maʹnâsınadır. لَبَّيْكَ [lebbeyke] kelimesi tesniye olarak kâf’a muzâf olmuştur ve bu sülâsîdir, ʹalâ-kavlin إِلْبَابٌ kelimesinin zevâ΄idi hazf olunmuştur. Kezâlik سَعْدَيْكَ [saʹdeyke] kelimesinde dahi إِسْعَادٌ [isʹâd]ın zevâ΄idi hazf olunmuştur ve bunlar masdar-ı müsennâ olmakla fiʹllerinin hazfi mültezimdir. Ve سَعْدَيْكَ [saʹdeyke] kelimesi ancak لَبَّيْكَ [lebbeyke] kelimesine makrûnen zikr olunur, niteki işbu hadîste vârid olmuştur: كَانَ عَلَيْهِ السَّلاَمُ يَقُولُ فِي افْتِتَاحِ الصَّلاَةِ “لَبَّيْكَ وَسَعْدَيْكَ وَالْخَيْرُ بَيْنَ يَدَيْكَ وَالشَّرُّ لَيْسَ إِلَيْكَ” Pes maʹnâları “Tâʹatinde mükerreren yaʹnî ʹale’d-devâm mukîm ve hizmetinde mülâzım ve müdâvim olurum” demektir. Zîrâ إِسْعَادٌ [isʹâd] iʹânet maʹnâsına olmakla burada iʹânette kıyâm ve ihtimâm eden kimse gibi hizmet-i ʹubûdiyyetinde ʹale’d-devâm kıyâm ve ikdâm ederim veyâhûd hizmet-i ʹubûdiyyetinde sâ΄ir hademeye isʹâd ve iʹânet ederim demektir.
Sitemizde detaylı hızlı ve kolay arama ekranı