Şârih der ki مِسْكِينٌ [miskîn] mîm’in kesriyledir ve Benî Esed lügatinde mîm meftûhadır. Ve bu سُكُونٌ [sukûn]dan me΄hûzdur, taʹayyüş zımnında nâsa sükûn ve istînâsları tasavvuruna mebnîdir yâhûd إِسْكَانٌ [iskân]-ı fakrdan me΄hûzdur ki taklîl-i hareket yaʹnî iʹdâm-ı hareket maʹnâsınadır. Ve مِسْكِينٌ [miskîn] ile فَقِيرٌ [faḵîr] beynini fark ederler. ʹİnde’l-baʹz mü΄ellifin evvel taʹrîfi üzeredir ki فَقِيرٌ [faḵîr]in hâli مِسْكِينٌ [miskîn]den ahsendir ve ʹinde’l-Aṡmaʹî ʹale’l-ʹakstir. İntehâ. Ve
مِسْكِينٌ [miskîn] Zelîl ve makhûr maʹnâsınadır; yukâlu: هُوَ مِسْكِينٌ أَيْ ذَلِيلٌ Ve zaʹîf maʹnâsınadır, cemʹi مَسَاكِينُ [mesâkîn]dir ve مِسْكِينُونَ [miskînûn]dur; mü΄ennesi kezâlik مِسْكِينٌ [miskîn] ve مِسْكِينَةٌ [miskînet]tir, cemʹi مِسْكِينَاتٌ [miskînât]tır. Mü΄ellif فَقْرٌ [faḵr] mâddesinde ziyâdece işbâʹ eylemiştir.
Sitemizde detaylı hızlı ve kolay arama ekranı