Şârih der ki نَصْرَانَةُ [Naṡrânet] karyesini Naṡârâ tâ΄ifesi mevlid-i ʹÎsâ ʹaleyhi’s-selâm zuʹm edip ve Naṡârâ ismini ondan ahz eylediler. Lâkin İncîl’de mestûr olduğu üzere Hazret-i ʹÎsâ Beytu Laḩm nâm karyede tevellüd edip o ʹasrda melik-i Mecûs olan Hârûs tarafından ihtirâz eylemeleriyle baʹzı akribâları vâlidesiyle kendisini Mıṡır’a nakl edip melik-i mesfûr mürd olduktan sonra Nâṡira nâm karyeye geldiler. Ve İncîl’de Îsûʹ en-Nâṡirî ʹunvânıyla mersûmlardır. Ve نَصْرَانِيَّةٌ [naṡrâniyyet] نَصَارَى [naṡârâ] lafzının müfred-i aslîsidir, müfred-i istiʹmâlîsi değildir, zîrâ yâ-yı nisbetle istiʹmâl olunup رَجُلٌ نَصْرَانِيٌّ وَامْرَأَةٌ نَصْرَانِيَّةٌ derler. Baʹzı eşʹârda aslı üzere yâhûd zarûret için نَصْرَانَةٌ [naṡrânet] vâkiʹ olmuştur. İntehâ. Ve müfred ve cemʹinde نَصْرَانِيٌّ [naṡrâniyy] ve أَنْصَارٌ [enṡâr] dahi denir. Ve
نَصْرَانِيَّةٌ [Naṡrâniyyet] Naṡârâ tâ΄ifesinin dîn ve milletlerine ıtlâk olunur; yukâlu: هُوَ عَلَى النَّصْرَانِيَّةِ أَيْ عَلَى دِينِ النَّصَارَى وَمِلَّتِهِمْ
Sitemizde detaylı hızlı ve kolay arama ekranı