اَلْوَطَاوِطُ [el-veṯâviṯ] (vâv-ı evvelin fethi ve sânînin kesriyle) Cemʹi, kırlaguçlar maʹnâsına. Ve fi’l-hadîsi kâle ʹAṯâ΄ b. Ebî Rebâḩ: فِي الْوَطْوَاطِ يُصِيبُهُ الْمُحْرِمُ قَالَ “ثُلُثَا دِرْهِمٍ” Yaʹnî وَطْوَاطٌ [vaṯvâṯ]ı katl eden muhrimin cinâyeti zikr olunanı mûcibdir. Aṡmaʹî eyitti: وَطْوَاطٌ [vaṯvâṯ]tan murâd خُفَّاشٌ [ḣuffâş]tır ḣâ-i muʹcemenin zammıyla, yarasa maʹnâsına, baʹzılar خُطَّافٌ [ḣuṯṯâf]tır dedi, nitekim mürûr etti. Ve Ebû ʹUbeyd eyitti: خُطَّافٌ [ḣuṯṯâf] murâd olmak eşbehtir, zîrâ ʹÂ΄işe radıyallâhu ʹanhâ eyitti: “Vaktâ ki Beyt-i mukaddes kaddesehullâhu ihrâk olundu, keler cinsi ağızlarıyla nefh edip âteşin ziyâde kılmağa dürüşürlerdi ve vaṯvâṯ cinsi kanatlarıyla söyündürmeğe saʹy ederlerdi.” Ve
وَطْوَاطٌ [vaṯvâṯ] Korkak olan recül-i zaʹîfe dahi derler. Ebû ʹUbeyd eyitti: Mezbûra وَطْوَاطٌ [vaṯvâṯ] ıtlâk olunduğu zikr olunan tâ΄ire teşbîhendir, ammâ ʹArabların “أَبْصَرُ فِي اللَّيْلِ مِنَ الْوَطْوَاطِ” dediklerinde وَطْوَاطٌ [vaṯvâṯ]tan murâd خُفَّاشٌ [ḣuffâş] olduğunda şüphe yoktur.
Sitemizde detaylı hızlı ve kolay arama ekranı