الإِطْنَاءُ [el-iṯnâ΄] (hemzenin kesriyle) Yurda ve konağa yönelmek maʹnâsınadır; yukâlu: أَطْنَأَ الرَّجُلُ إِذَا مَالَ إِلَى الْمَنْزِلِ Meyl ve himmet maʹnâlarından me΄hûzdur. Kezâlik su içmek için havuz tarafına meyl eylese أَطْنَأَ الرَّجُلُ derler ve taʹb ve fütûrdan nâşî nevm ve istirâhat için bisâta meyl eylese أَطْنَأَ الرَّجُلُ derler. Ve
إِطْنَاءٌ [iṯnâ΄] Bedende ramak-ı hayât ibkâ eyleme[me]k maʹnâsınadır; ve minhu yukâlu: حَيَّةٌ لاَ تُطْنِئُ أَيْ لاَ يَعِيشُ صَاحِبُهَا أَيْ لاَ تُبْقِى الطِّنْءَ وَبَقِيَّةَ الرُّوحِ Yaʹnî “O, bir yılandır ki semmü’s-sâʹa ve defʹiyyü’t-te΄sîr olmakla soktuğu kimseyi fi’l-hâl helâk eder.” Bakiyye-i rûh maʹnâsına olan طِنْءٌ [ṯin΄] lafzından me΄hûzdur ve bunlar muʹtelde lügatlerdir.
Sitemizde detaylı hızlı ve kolay arama ekranı