أَغْرِبَةُ الْعَرَبِ [aġribetu’l-ʹArab] (أَشْرِبَةُ الطَّرَبِ [eşribetu’ṯ-ṯarab] vezninde) ʹArabın sûdânına denir ki zengî ve karalar taʹbîr olunur, levnde غُرَابٌ [ġurâb]a teşbîh olunmuştur. Ve
أَغْرِبَةٌ [Aġribet] Câhiliyyet’te birkaç kimseye ıtlâk olunur idi ki bunlardır: ʹAntere b. Şeddâd, Ḣufâf b. Nudbe, Ebû ʹUmeyr b. el-Ḩubâb, Suleyk b. es-Suleke, Hişâm b. ʹUḵbe b. Ebî Muʹayṯ nâm kimselerdir. Lâkin işbu Hişâm muhadramîndendir ki İslâm zamânını idrâk eylemiştir. Ve أَغْرِبَةٌ [aġribet], ehl-i İslâm’dan ʹAbdullâh b. Ḣâzim ve ʹUmeyr b. Ebî ʹUmeyr ve Hemmâm b. Muṯarrif ve Munteşir b. Vehb ve Maṯar b. Evfâ ve Te΄ebbeṯa Şerren lakabıyla mülakkab olan Šâbit b. Câbir ve Şenferâ ve Ḩâciz nâm kimselerdir. Ḩâciz’in katʹâ âbâ΄ ve kabâ΄il ve emkineye nisbeti yoktur, sâ΄irleri kimi âbâ΄ ve kabâ΄ile ve kimi emkineye mensûblardır.
Sitemizde detaylı hızlı ve kolay arama ekranı