أَمْسِ [emsi] (hemzenin fethi ve sîn’in harekât-ı selâsıyla mebnî olarak) Zurûf-ı zamâniyyedendir, dünkü gün demektir, Fârisîde dûş denir.
أَمْسِ [emsi] Elifin fethi ve mîm’in sükûnû ve sîn’in kesr üzere binâsıyla ekser katında, zîrâ tâ΄ife-i ʹArab أَمْسِ [emsi] lafzında ihtilâf etmişlerdir, ekserî maʹrifeliği hâlinde أَمْسِ [emsi] kelimesin mebnî kılmıştır ve nekireliği hâlinde cemîʹisi muʹreb kılmışlardır, kaçan elif lâm dâhil kılsanlar yâ nekire kılsanlar yâhûd muzâf kılsanlar; tekûlu: مَضَى الْأَمْسِ الْمُبَارَكُ وَمَضَى أَمْسُنَا وَكُلُّ غَدٍ صَائِرٌ أَمْسًا Sîbeveyhi eyitti: Kelime-i أَمْسِ [emsi] tasgîr olunmaz, nitekim غَدٌ [ġad] kelimesi ve بَارِحَةٌ [bâriḩat] ve كَيْفَ [keyfe] ve أَيْنَ [eyne] ve مَتَى [metâ] ve أَيُّ [eyyu] ve مَا [mâ] ve عِنْدَ [ʹinde] kelimeleri ve esmâ-işuhûr ve esmâ-i üsbûʹ جُمْعَةٌ [cumʹat]tan mâ-ʹadâsı tasgîr olunmaz.
Sitemizde detaylı hızlı ve kolay arama ekranı