اَلْإِنْفِجَارُ [el-inficâr] (إِنْفِعَالٌ [infiʹâl] vezninde) Sabâh yeri açılmak maʹnâsınadır ki şafak sökmek taʹbîr olunur; yukâlu: إِنْفَجَرَ الصُّبْحُ وَانْفَجَرَ عَنْهُ اللَّيْلُ إِذَا انْكَشَفَ Ve yerden su kaynayıp akmak maʹnâsınadır; yukâlu: إِنْفَجَرَ الْمَاءُ إِذَا سَالَ Bunların mefhûmunda şakk muʹteber olmakla yararak akmak maʹnâsına olur, gerek kaynayarak yarmak ve gerek yeri yararak akmak olsun. Ve mecâzen yer yüzünde akmakta dahi istiʹmâl olunur. Ve
إِنْفِجَارٌ [inficâr] Her taraftan âfât ve devâhî zuhûr ve teveccüh eylemek maʹnâsına müstaʹmeldir; yukâlu: إِنْفَجَرَتِ الدَّوَاهِي عَلَيْهِم إِذَا أَتَتْهُمْ مِنْ كُلِّ وَجْهٍ Ve bir adamın mâlı kesîr ve ʹatâ ve bezli vefîr olmak maʹnâsına müstaʹmeldir; yukâlu: إِنْفَجَرَ الرَّجُلُ إِذَا صَارَ ذَا فَجْرٍ
Sitemizde detaylı hızlı ve kolay arama ekranı