Kamus-ı Muhit - الحجو maddesi

اَلْحَجْوُ [el-ḩacv] (ḩâ’nın fethi ve cîm’in sükûnuyla) İkâmet eylemek maʹnâsınadır; yukâlu: حَجَا بِالْمَكَانِ حَجْوًا إِذَا أَقَامَ Ve bir nesneyi esirgeyip dınnet eylemek maʹnâsınadır; yukâlu: حَجَا بِالشَّيْءِ إِذَا ضَنَّ بِهِ Ve yel gemiyi sürüp iletmek maʹnâsınadır; yukâlu: حَجَتِ الرِّيحُ السَّفِينَةَ إِذَا سَاقَتْهَا Ve hıfz-ı râz eylemek maʹnâsınadır; أُحْجِيَّةٌ [uḩciyyet] bundan me΄hûzdur; yukâlu: حَجَا السِّرَّ إِذَا حَفِظَهُ Ve buğur böğürmekle nâka onun âvâzını işittikte bilip ona munsarıf olmak maʹnâsınadır; yukâlu: حَجَا الْفَحْلُ الشُّوَّلَ إِذَا هَدَرَ فَعَرَفَتْ هَدِيرُهُ فَانْصَرَفَتْ إِلَيْهِ Ve durmak maʹnâsınadır; yukâlu: حَجَا الرَّجُلُ إِذَا وَقَفَ Ve menʹ eylemek maʹnâsınadır; yukâlu: حَجَاهُ إِذَا مَنَعَهُ Ve bir nesneyi teyakkun eylemeyerek zann ile şöyledir iddiʹâ eylemek maʹnâsınadır; yukâlu: حَجَا الْأَمْرَ إِذَا ظَنَّهُ فَادَّعَاهُ ظَانًّا وَلَمْ يَسْتَيْقِنْهُ Ve cezâ΄ ve mükâfât eylemek maʹnâsınadır; yukâlu: حَجَا الْقَوْمُ إِذَا جَزَاهُمْ

Vankulu Lugatı - الحجو maddesi

اَلْحُجُوُّ [el-ḩucuvv] (zammeteynle ve vâv’ın teşdîdiyle) Bir mekânda ikâmet etmek; tekûlu: حَجَوْتُ بِالْمَكَانِ إِذَا أَقَمْتَ بِهِ

اَلْحَجْوُ [el-ḩacv] (ḩâ’nın fethi ve cîm’in sükûnuyla) Bir nesneye buhl etmek; tekûlu: حَجَوْتُ بِالشَّيْءِ إِذَا ضَنِنْتَ بِهِ Yaʹnî buhl eylesen. Ve gâh olur bu sebebden recüle dahi حَجْوَةُ [ḩacvet] tesmiye olunur. Ve

حَجْوٌ [ḩacv] Yel gemi sürmeğe dahi derler; yukâlu: حَجَتِ الرِّيحُ السَّفِينَةَ إِذَا سَاقَتْهَا Ve

حَجْوٌ [ḩacv] Zann etmek maʹnâsına da gelir; yukâlu: إِنِّي أَحْجُو بِهِ خَيْرًا أَيْ أَظُنُّ Ve cezâ kılmak maʹnâsına dahi gelir; yukâlu: حَجَا الرَّجُلُ الْقَوْمَ كَذَا وَكَذَا أَيْ جَزَاهُمْ وَظَنَّهُمْ كَذَلِكَ