Kamus-ı Muhit - الحدأة maddesi

اَلْحَدَأَةُ [el-ḩade΄et] (fethateynle) İki ağızlı baltaya denir, ʹalâ-kavlin baltanın ağızına denir ve ok temrenine denir. Cemʹi حَدَأٌ [ḩade΄] gelir hâ’sız ki cemʹ-i cinsidir ve حِدَاءٌ [ḩidâ΄] gelir كِتَابٌ [kitâb] vezninde.

اَلْحِدَأَةُ [el-ḩide΄et] (ḩâ’nın kesriyle عِنَبَةٌ [ʹinebet] vezninde) Çaylak kuşuna denir, Fârisîde zegan ve mûş-gîr derler. Cemʹi حِدَأٌ [ḩide΄] gelir عِنَبٌ [ʹineb] vezninde ve حِدَاءٌ [ḩidâ΄] gelir كِتَابٌ [kitâb] vezninde ve حِدْآنٌ [ḩid΄ân] gelir غِزْلاَنٌ [ġizlân] vezninde. Ve

حِدَأَةٌ [ḩide΄et] Atın boynundan baş tarafına doğru gelen yerine denir ki سَالِفَةٌ[sâlifet] ve هَادِيَةٌ [hâdiyet] dahi denir; yukâlu: ضَرَبَ حِدَأَةَ الْفَرَسِ أَيْ سَالِفَةَ عُنُقِهِ

Vankulu Lugatı - الحدأة maddesi

الْحَدَأَةُ [el-ḩade΄et] (bi-fethi’l-ḩâ΄ ve’d-dâl) Şol kazma ki iki ağzı ola; cemʹi حَدَأٌ [ḩade΄] gelir, mislu: قَصَبَة [ḵaṡabet] ve قَصَب [ḵaṡab].

اَلْحِدَأَةُ [el-ḩide΄et] (bi-kesri’l-ḩâ΄ ve fethi’d-dâl) Çaylak dedikleri kuş, mûş-gîr maʹnâsına; cemʹi حِدَأٌ [ḩide΄] gelir, mislu: عِنَبَة [ʹinebet] ve عِنَب [ʹineb]; ve minhu kavluhum: حِدَأَ حِدَأَ وَرَاءَكِ بُنْدُقَةُ İbnu’s-Sikkît eyitti: حِدَأ bu makâmda حِدَأَة [ḩide΄et]ten terhîm olunmuştur, yaʹnî harf-i nidâ mahzûf olup “Yâ Ḩide΄, hazer et!” demek olur. Ve ʹâmme حَدَا حَدَا derler ḩâ’nın fethiyle. Ve Şarḵî eyitti: حِدَاءُ [Ḩidâ΄] bir kabîlenin ve بُنْدُقَةُ [Bunduḵat] bir kabîlenin ismidir.