اَلرَّأْمُ [er-re΄m] (râ’nın fethi ve hemzenin sükûnuyla) Bir nesneye yâ bir kimseye muhabbet edip onunla alışmak ve üns ve ülfet eylemek maʹnâsınadır; yukâlu: رَئِمَ الشَّيْءَ رَأْمًا مِنَ الْبَابِ الرَّابِعِ إِذَا أَحَبَّهُ وَأَلِفَهُ Ve
رَأْمٌ [re΄m] ve
رِئْمَانٌ [ri΄mân] (râ’nın kesriyle) Yara onulmakla ağzı derneşip bitişmek maʹnâsınadır; yukâlu: رَئِمَ الْجُرْحُ رَأْمًا وَرِئْمَانًا إِذَا انْضَمَّ لِلْبُرْءِ Ve nâka veledine yakılmak maʹnâsınadır; yukâlu: رَئِمَتِ النَّاقَةُ وَلَدَهَا إِذَا عَطَفَتْ عَلَيْهِ وَلَزِمَتْهُ Ve
رَأْمٌ [re΄m] İpi pek bükmek maʹnâsınadır; yukâlu: رَأَمَ الْحَبْلَ رَأْمًا مِنَ الْبَابِ الثَّالِثِ إِذَا فَتَلَهُ شَدِيدًا Ve kırık çanak makûlesini kenetlemek maʹnâsınadır; yukâlu: رَأَمَ الْقَدْحَ إِذَا أَصْلَحَهُ Ve
رَأْمٌ [re΄m] بَوٌّ [bevv] maʹnâsınadır ki devenin yavrusu helâk olmakla süt vermez oldukta o yavrunun derisini yüzüp saman ile doldururlar, anası onu yavrusu zannıyla yakılıp bu takrîble sütünü sağarlar; o yavrunun sûret-i mezbûresine بَوٌّ [bevv] derler. Ve
رَأْمٌ [Re΄m] Bir mevziʹ adıdır.
اَلرَّأْمُ [er-re΄m] (râ’nın fethi ve hemzenin sükûnuyla) Nâkanın veledi ve şol deri ki için doldurup veled şekline koyup nâkanın önüne korlar, onu veledi sanıp sütü çekilmesin diye.
Sitemizde detaylı hızlı ve kolay arama ekranı