Kamus-ı Muhit - الصبغ maddesi

اَلصَّبْغُ [eṡ-ṡabġ] (ṡâd’ın fethi ve bâ’nın sükûnuyla) ve

اَلصِّبَغُ [eṡ-ṡibaġ] (عِنَبٌ [ʹineb] vezninde) Boyamak maʹnâsınadır; yukâlu: صَبَغَ الثَّوْبَ صَبْغًا وَصِبَغًا مِنَ الْبَابِ الثَّالِثِ وَالثَّانِي وَالْأَوَّلِ إِذَا لَوَّنَهُ Ve bir adam elini suya batırmak maʹnâsına müstaʹmeldir; yukâlu: صَبَغَ يَدَهُ بِالْمَاءِ إِذَا غَمَسَهَا فِيهِ Ve bir adamın yâ hayvânın bedeninde balık eti uzamak maʹnâsınadır; yukâlu: صَبَغَتْ عَضَلَتُهُ إِذَا طَالَتْ Ve bir adama mevziʹ-i matlûbun budur diye işâretle delâlet eylemek maʹnâsınadır; yukâlu: صَبَغَ فُلاَنٌ عِنْدَ فُلاَنٍ أَوْ صَبَغَ فُلاَنًا فِي عَيْنِهِ إِذَا أَشَارَ إِلَيْهِ بِأَنَّهُ مَوْضِعٌ قَصَدْتَهُ بِهِ Ve bir kimseye göz ile yâhûd el ile işâret eylemek maʹnâsınadır; yukâlu: صَبَغَ فُلاَنًا بِعَيْنِهِ إِذَا أَشَارَ إِلَيْهِ ʹAlâ-kavlin bu maʹnâlarda ʹayn-ı mühmele iledir, niteki zikr olundu.

اَلصِّبْغُ [eṡ-ṡibġ] (ṡâd’ın kesriyle) ve

اَلصِّبْغَةُ [eṡ-ṡibġat] (hâ’yla) ve

اَلصِّبَغُ [eṡ-ṡibaġ] (عِنَبٌ [ʹineb] vezninde) ve

اَلصِّبَاغُ [eṡ-ṡibâġ] (كِتَابٌ [kitâb] vezninde) Boyaya denir ki onunla nesne boyanır, çivit ve aspur gibi; yukâlu: صَبَغَ الثَّوْبَ بِصِبْغٍ حَسَنٍ وَصِبْغَةٍ وَصِبَغٍ وَصِبَاغٍ وَهُوَ مَا يُصْبَغُ بِهِ ve tekûlu’l-ʹArab: “مَا أَخَذَهُ بِصِبْغِ ثَمَنِهِ” أَيْ لَمْ يَأْخُذْهُ بِثَمَنِهِ بَلْ بِغَلاَءٍ Yaʹnî “Filân şey΄i değeri bahâsıyla almadı, belki değerinden ziyâde ile aldı.” O şey΄in değeri boyanmış nesnenin vâfî ve kâfî boyasına teşbîh olunmuştur; ve yekûlûne: “إِنَّهَا لَحَدِيثَةُ الصِّبْغِ” أَيْ أَوَّلُ مَا تُزُوِّجَ بِهَا Yaʹnî “Filân hatun ibtidâ zevcin zevcesidir” ki ilkidir demektir. Tezevvücü boyaya teşbîh olunmuştur, zevc tarafını telvîn eylediği için. Ve fukahâdan Aḩmed b. İsḩâḵ eṡ-Ṡibġî boyaya mensûb idi ki boyacı idi. Ve

صِبْغٌ [ṡibġ] Ekmek katığına ıtlâk olunur, ekmek boya gibi ona bandırıldığı için; yukâlu: نِعْمَ الصِّبْغُ اَلْخَلُّ أَيِ الْإِدَامُ

Vankulu Lugatı - الصبغ maddesi

اَلصَّبْغُ [eṡ-ṡabġ] (ṡâd’ın fethi ve bâ’nın sükûnuyla) Boyamak; yukâlu: صَبَغْتُ الثَّوْبَ أَصْبَغُهُ صَبْغًا مِنَ الْبَابِ الثَّالِثِ وَأَصْبُغُهُ مِنَ الْبَابِ الْأَوَّلِ

اَلصِّبْغُ [eṡ-ṡibġ] (ṡâd’ın kesri ve bâ’nın sükûnuyla) Şol nesnedir ki onunla bir nesne boyarlar.