اَلصَّاعُ [eṡ-ṡâʹ] ve
اَلصِّوَاعُ [eṡ-ṡivâʹ] (ṡâd’ın kesri ve zammıyla) ve
اَلصَّوْعُ [eṡ-ṡavʹ] (نَوْعٌ [nevʹ] vezninde) Bir gûne ölçek ismidir ki ahkâm-ı müslimîn onun üzerine dâ΄ir yaʹnî keyl husûsunda muʹâmele-i ehl-i İslâm onunla mütedâvil ve müteʹâvir olur. Ve kuri΄e kavluhu taʹâlâ: ﴿قَالُوا نَفْقِدُ صُوَاعَ الْمَلِكِ﴾ بِاللُّغَاتِ الْمَذْكُورَةِ Ve baʹzılar ʹindinde صَاعٌ [ṡâʹ] صُوَاعٌ [ṡuvâʹ]ın gayrıdır, yaʹnî صَاعٌ [ṡâʹ] zikr olunan kîleye ve صُوَاعٌ [ṡuvâʹ] su içecek maşrabaya denir, ke-mâ se-yuzkeru.
اَلصَّاعُ [eṡ-ṡâʹ] (ʹalâ-vezni اَلْحَال [el-ḩâl]) Alçak yer, arz-ı mutma΄inne maʹnâsına. Ve
صَاعٌ [ṡâʹ] Kezâlik şol nesnedir ki onunla bir nesne ölçülüp keyl olunur ki o dört müddür ve her müdd iki yüz altmış dirhemdir, pes صَاعٌ [ṡâʹ] bin kırk dirhem olur.
Sitemizde detaylı hızlı ve kolay arama ekranı