اَلدُّمَلِقُ [ed-dumeliḵ] (عُلَبِطٌ [ʹulebiṯ] vezninde) ve
اَلدُّمَالِقُ [ed-dumâliḵ] (عُلاَبِطٌ [ʹulâbiṯ] vezninde) ve
اَلدُّمْلُوقُ [ed-dumlûḵ] (عُصْفُورٌ [ʹuṡfûr] vezninde) ve
اَلْمُدَمْلَقُ [el-mudemlaḵ] (مُدَحْرَجٌ [mudaḩrec] vezninde) Kalʹa yuvalağı gibi düpdüz yalçın müdevver yuvalak taşa denir. Bu münâsebetle yeni tırâş olmuş adama دُمَالِقُ الرَّأْسِ [dumâliḵu’r-re΄s] ıtlâk olunur; yukâlu: رَجُلٌ دُمَالِقُ الرَّأْسِ أَيْ مَحْلُوقُهُ Ve
دُمَالِقٌ [dumâliḵ] Bol ferce ıtlâk olunur; yukâlu: فَرْجٌ دُمَالِقٌ أَيْ وَاسِعٌ Ve
دُمْلُوقٌ [dumlûḵ] (عُصْفُورٌ [ʹuṡfûr] vezninde) Bir nevʹ mantara denir ki عُرْجُونٌ [ʹurcûn] dedikleri nebâttan asgar olur, kumsallarda ve çayırlı çimenli yerlerde biter.
اَلْمُدَمْلَقُ [el-mudemlaḵ] (mîm’in zammı ve dâl’ın ve lâm’ın fethiyle) Düz olup müdevver olan nesne, gerek taş olsun gerek davar tırnağı olsun, مُدَمْلَكٌ [mudemlek] ve مُدَمْلَجٌ [mudemlec] gibi zikr olunan maʹnâya.
Sitemizde detaylı hızlı ve kolay arama ekranı