اَلْهَيْطَلُ [el-heyṯal] (حَيْدَرٌ [ḩayder] vezninde) Tilkiye denir. Ve Mâverâ΄ünnehr ülkesinin ismidir. Ve kendiler ile gazâ olunur olan bir mikdârca sipâha denir. Ve Türk tâ΄ifesinden ʹalâ-kavlin Hindûlardan bir cins-i mahsûs idi ki selefte zuhûr eylediler ve sâhib-i şevket ü menâʹat idiler ve onlara هَيَاطِلُ [Heyâṯil] ve هَيَاطِلَةٌ [Heyâṯilet] dahi denir idi, bir müddet Hindistân taraflarında devletleri müstemirr olmuştur. Mü΄ellif müfred ve cemʹi bir ʹadd eylemiştir. Ve bu قَيْصَرٌ [ḵayṡar] ve قَيَاصِرَةٌ [ḵayâṡiret] ve كِسْرَى [kisrâ] ve أَكَاسِرَةٌ [ekâsiret] gibi; âhirindeki tâ΄ bu makûle aksâ-yı cemʹe dâhil olur, müfredinin ʹucme olduğuna işâret için ve ʹadem-i duhûlü dahi câ΄izdir. Ve kaldı ki Burhân’da mersûmdur ki هَيْتَال [Heytâl] tâ΄ ile nâm-ı vilâyet-i Ḣatlân’dır; pâdişâhlarına هَيَاتِلَةٌ [heyâtilet] denir. Pes هَيْطَلٌ [Heyṯal] muhaffefen هَيْتَالٌ [Heytâl] muʹarrebi olup cemʹinde هَيَاطِلَةٌ [heyâṯilet] denmiştir.
اَلْهَيْطَلُ [el-heyṯal] (hâ’nın ve ṯâ’nın fethi ve yâ’nın sükûnuyla) Bir cemâʹattir ki onlarla gazâ olunur, lâkin çok olmazlar. Ve
هَيْطَلٌ [heyṯal] Tilkiye dahi derler, ʹinde’l-baʹz.
Sitemizde detaylı hızlı ve kolay arama ekranı