اَلصَّنِيعُ [eṡ-ṡanîʹ] (أَمِيرٌ [emîr] vezninde) Masdardır ki zikr olundu, kemlik işlemek maʹnâsına. Ve vasf olur, مَصْنُوعٌ [maṡnûʹ] maʹnâsına ki iyice bakılıp hoşça terbiye ve tîmâr olunmuş perverde ata denir. Ve mücellâ ve mücerreb kılıca ve oka ıtlâk olunur; yukâlu: سَيْفٌ وَسَهْمٌ صَنِيعٌ أَيْ صَقِيلٌ مُجَرَّبٌ Ve
صَنِيعٌ [Ṡanîʹ] Baʹišamp; b. Ḩuveyṡ eṯ-Ṯâ΄î feresinin ismidir. Ve taʹâma ıtlâk olunur; tekûlu: أَحْضَرَنَا الصَّنِيعَ أَيِ الطَّعَامَ Ve lutf ve ihsân ve kereme ıtlâk olunur, صَنِيعَةٌ [ṡanîʹat] dahi denir hâ’yla; cemʹi صَنَائِعُ [ṡanâ΄iʹ] gelir; tekûlu: أُشْكُرْ صَنِيعَهُ وَصَنِيعَتَهُ أَيْ إِحْسَانَهُ Ve bir adamın ihsânı ve terbiye ve tenmiyesiyle yetişip meydâna gelmiş kimseye ıtlâk olunur; tekûlu: هُوَ صَنِيعِي وَصَنِيعَتِي أَيْ اِصْطَنَعْتُهُ وَرَبَّيْتُهُ وَخَرَّجْتُهُ
اَلصَّنِيعُ [eṡ-ṡanîʹ] (ṡâd’ın fethi ve nûn’un kesri ve meddiyle) Tîmâr olmuş at; yukâlu: فَرَسٌ صَنِيعٌ Ve
صَنِيعٌ [ṡanîʹ] Açılmış kılıca dahi derler; yukâlu: سَيْفٌ صَنِيعٌ أَيْ مَجْلُوٌّ Ve
صَنِيعٌ [ṡanîʹ] Fiʹl maʹnâsına da gelir; ʹalâ-mâ merre. Ve صَنِيعُ الْيَدَيْنِ [ṡanîʹu’l-yedeyn] dahi derler, üstâd-ı hâzık maʹnâsına.
Sitemizde detaylı hızlı ve kolay arama ekranı