اَلْفِتْنَةُ [el-fitnet] (fâ’nın kesriyle) ve
اَلْمَفْتُونُ [el-meftûn] Masdar olarak sınamak maʹnâsınadır; yukâlu: فَتَنَهُ فِتْنَةً وَمَفُتْونًا إِذَا خَبَّرَهُ ve minhu kavluhu taʹâlâ: ﴿بِأَيِّكُمُ الْمَفْتُونُ﴾ أَيِ الْخِبْرَةُ Ve
فِتْنَةُ [fitnet] Bir hoş nesneyi pesend ve ʹaceb eylemeğe denir ki ismdir. Ve azgınlığa denir, dalâl ve güm-râhî maʹnâsına; yukâlu: وَقَعَ فِي الْفِتْنَةِ أَيِ الضَّلَالِ Ve günâh ve išamp;m maʹnâsınadır. Ve küfr maʹnâsınadır. Ve rüsvâylığa denir, fazîha maʹnâsına. Ve ʹazâb maʹnâsınadır. Ve potada altını ve gümüşü eritmek maʹnâsınadır, tâ ki ceyyidi kemterinden mütemeyyiz ola; yukâlu: فَتَنَ الذَّهَبَ وَالْفِضَّةَ فِتْنَةً إِذَا أَذَابَهُ Ve bir adamı azdırmak maʹnâsınadır; yukâlu: فَتَنَهُ إِذَا أَضَلَّهُ Ve deliliğe denir, cünûn maʹnâsına. Ve mihnet ve beliyyeye denir; ve minhu أَعُوذُ بِاللهِ مِنْ فِتْنَةِ الْقَبْرِ أَيْ مِحْنَتِهِ وَبَلَائِهِ Ve mâl ve evlâda ıtlâk olunur; li-kavlihi taʹâlâ: ﴿إِنَّمَا أَمْوَالُكُمْ وَأَوْلَادُكُمْ فِتْنَةٌ﴾ اَلْآيَة Ve beyne’n-nâs vâkiʹ olan ihtilâf-ı ârâ΄ ve şûriş ve şikâk ve kavgaya ıtlâk olunur; yukâlu: وَقَعَ بَيْنَهُمُ الْفِتْنَةُ أَيِ الْإِخْتِلَافُ فِي الْآرَاءِ
Sitemizde detaylı hızlı ve kolay arama ekranı