اَلْأَبْتَرُ [el-ebter] (أَحْمَرُ [aḩmer] vezninde) Kuyruğu kesilmiş erkek hayvâna denir; yukâlu: جَحْشٌ أَبْتَرُ أَيْ مَقْطُوعُ الذَّنَبِ Mü΄ennesinde بَتْرَاءُ [betrâ΄] ve cemʹinde بُتْرٌ [butr] denir, حُمْرٌ [ḩumr] vezninde; yukâlu: مَا هُمْ إِلاَّ كَالْحُمْرِ الْبُتْرِ Ve
أَبْتَرُ [ebter] Bir nevʹ habîs yılanın ismidir. Şârihin beyânına göre kuyruğu küçük olur. Ve
أَبْتَرُ [ebter] Fenn-i ʹarûzda müsemmen olan bahr-i mütekâribin dördüncü beytine ve müseddes olanının ikinci beytine ıtlâk olunur ki onlarda بَتْرٌ [betr] ʹilleti cârîdir.
اَلْبَاتِرُ [el-bâtir] Keskin kılıç, seyf-i kâtıʹ maʹnâsına. Ve
أَبْتَرُ [ebter] Şol kimseye derler ki onun ardınca oğlu kalmaya. Ve
أَبْتَرُ [ebter] Her nesneye derler ki onda hayr olmaya.
Sitemizde detaylı hızlı ve kolay arama ekranı