اَلْأَمْدَرُ [el-emder] (أَحْمَرُ [aḩmer] vezninde) مَدَرٌ [meder]-i mezbûrdan vasftır, büyük karınlı kişiye denir. Mü΄ennesinde مَدْرَاءُ [medrâ΄] denir. Ve
أَمْدَرُ [emder] Esvâbına yestehler olan kişiye denir, ʹalâ-kavlin kesîrü’r-recîʹ olmakla hadesini tutamaz olan kişiye denir; yukâlu: رَجُلٌ أَمْدَرُ أَيْ خَارِئٌ فِي ثِيَابِهِ أَوِ الْكَثِيرُ الرَّجِيعِ الْعَاجِرُ عَنْ حَبْسِهِ Ve sünnetsiz kişiye denir; yukâlu: رَجُلٌ أَمْدَرُ أَيْ أَقْلَفُ Ve toz ve toprak ile âlûde olur olan kimseye denir, أَغْبَرُ [aġber] maʹnâsına, niteki seffâra أَشْعَثُ [eşʹašamp;] denir. Ve iki yanları kabarıp kabalanmış kimseye denir ki semizlikten olur; yukâlu: رَجُلٌ أَمْدَرُ أَيْ مُنْتَفِخُ الْجَنْبَيْنِ Ve yanları مَدَرٌ [meder] ile uğraşmaktan âlûde-i hâk olmuş kimseye denir. Ve gövdesinde necâsetinden bir mikdâr bulaşık olan sırtlana denir; yukâlu: ضَبُعٌ أَمْدَرُ إِذَا كَانَ فِي جَسَدِهِ لُمَعٌ مِنْ سَلْحِهِ
اَلْأَمْدَرُ [el-emder] (hemzenin fethi ve mîm’in sükûnuyla) Şol kimsedir ki cenbeyni müntefih ola, yaʹnî yanları kaba ola. Ve
أَمْدَرُ [emder] Şol yeleli kurda derler ki necâsetinden cesedinde bir mikdâr nesne ola. Baʹzılar eyitti: Levni öyle ola.
Sitemizde detaylı hızlı ve kolay arama ekranı