Kamus-ı Muhit - اللبن maddesi

اَللَّبَنُ [el-leben] (fethateynle) Süte denir, Fârisîde şîr derler. Ve

لَبَنُ الشَّجَرِ [lebenu’ş-şecer] Ağaçlardan hâsıl olan suya ıtlâk olunur.

اَللَّبِنُ [el-lebin] (كَتِفٌ [ketif] vezninde) Kerpice denir, çamurdan kesip yapı yaparlar, vâhidi لَبِنَةٌ [lebinet]tir; bunda lâm’ın kesriyle إِبِلٌ [ibil] gibi ve kesreteynle de câ΄izdir. Ve şol meclise denir ki onda umûr-ı mühimmeler rü΄yet olunmuş ola, kâdî mahkemesi gibi; yukâlu: مَجْلِسٌ لَبِنٌ أَيْ تَقْضِي فِيهِ اللُّبَانَةُ Ve sütü pek seven adama denir; yukâlu: هُوَ لَبِنٌ أَيْ مُحِبُّ اللَّبَنِ

اَللَّبْنُ [el-lebn] (غَبْنٌ [ġabn] vezninde) Çok yemek maʹnâsınadır; yukâlu: لَبَنَ الرَّجُلُ لَبْنًا مِنَ الْبَابِ الثَّانِي إِذَا أَكَلَ كَثِيرًا Ve pek vurmak maʹnâsınadır; yukâlu: لَبَنَهُ إِذَا ضَرَبَهُ شَدِيدًا Ve bir adama süt içirmek maʹnâsınadır; yukâlu: لَبَنَهُ لَبْنًا مِنَ الْبَابِ الثَّانِي وَالْأَوَّلِ إِذَا سَقَاهُ اللَّبَنَ

Vankulu Lugatı - اللبن maddesi

اَللُّبْنُ [el-lubn] (lâm’ın zammı ve bâ’nın sükûnuyla) Cemʹi, sütlü davarlar maʹnâsına.

اَللَّبَنُ [el-leben] (fethateynle) İsm-i cinsdir, süt maʹnâsında.

اَللِّبْنُ [el-libn] (lâm’ın kesri ve bâ’nın sükûnuyla) Kezâlik cemʹi, Yûnus rivâyeti üzere; yukâlu: كَمْ لُبْنُ غَنَمِكَ وَلِبْنُ غَنَمِكَ أَيْ ذَوَاتُ الدَّرِّ مِنْهَا Ve kaçan sütü çok maʹnâsın murâd edinseler لَبُونٌ demezler, لَبِنَةٌ [lebinet] derler, nitekim mürûr eyledi. Ve Kisâ΄î eyitti: Mesmûʹ olan كَمْ لِبْنُ غَنَمِكَ dir lâm’ın fethi ve bâ’nın kesriyle أَيْ كَمْ رِسْلُ غَنَمِكَ Ve رِسْلُ [risl] râ’nın kesri ve sîn’in sükûnuyla bir nesnenin yararına derler.

اَللَّبِنُ [el-lebin] (lâm’ın fethi ve bâ’nın kesriyle) Cemʹi, كَلِمَةٌ [kelimet] ile كَلِمٌ[kelim] gibi.

اَللَّبْنُ [el-lebn] (lâm’ın fethi ve bâ’nın sükûnuyla) Süt içirmek; tekûlu: لَبَنْتُهُ أَلْبُنُهُ مِنَ الْبَابِ الْأَوَّلِ وَأَلْبِنُهُ مِنَ الْبَابِ الثَّانِي إِذَا سَقَيْتَهُ اللَّبَنَ Ve

لَبْنٌ [lebn] ʹAsâ ile vurmağa dahi derler; yukâlu: لَبَنَهُ بِالْعَصَا يَلْبِنُهُ لَبْنًا مِنَ الْبَابِ الثَّانِي إِذَا ضَرَبَهُ بِهَا وَلَبَنَهُ ثَلَاثَ لَبَنَاتٍ أَيْ ضَرَبَاتٍ Ve لَبَنَهُ بِصَخْرَةٍ dahi derler tâşla vursa.