اَلْحَلاَّبُ [el-ḩallâb] (شَدَّادٌ [şeddâd] vezninde) Rutûbetli ve yağmurlu güne ıtlâk olunur ki murâd, fırtına dediğimiz olacaktır; yukâlu: يَوْمٌ حَلاَّبٌ اِذَا كَانَ فِيهِ نَدًى Ve
حَلاَّبٌ [Ḩallâb] Benû Taġlib’e mahsûs bir feresin ismidir. Ve Aḩmed b. Muḩammed el-Ḩallâbî fukahâdandır.
اَلْحَلْبُ [el-ḩalb] (ḩâ’nın fethi ve lâm’ın sükûnuyla ve fethateynle câ΄izdir) ve
اَلْحِلاَبُ [el-ḩilâb] (كِتَابٌ [kitâb] vezninde) Süt sağmak maʹnâsınadır; yukâlu: حَلَبَ الرَّاعِي حَلْبًا وَحِلاَبًا مِنَ الْبَابِ اْلأَوَّلِ اِذَا اسْتَخْرَجَ مَا فِي الضَّرْعِ مِنَ اللَّبَنِ Ve bir kimseye sütüyle intifâʹ eylemek için sağmal davar taʹyîn eylemek maʹnâsınadır; yukâlu: حَلَبَهُ الشَّاةَ أَوِ النَّاقَةَ اِذَا جَعَلَهُمَا لَهُ يَحْلُبُهَا Ve diz çöküp oturmak maʹnâsına istiʹmâl olunur ki حَالِبٌ [ḩâlib]in hey΄etidir; yukâlu: حَلَبَ الرَّجُلُ اِذَا جَلَسَ عَلَى رُكْبَتَيْهِ Ve
حَلْبٌ [ḩalb] ve
حُلُوبٌ [ḩulûb] (قُعُودٌ [ḵuʹûd] vezninde) Nâs etrâftan gelip birikmek maʹnâsınadır, sağılan süt gibi; yukâlu: حَلَبَ الْقَوْمُ حَلْبًا وَحُلُوبًا اِذَا اجْتَمَعُوا مِنْ كُلِّ وَجْهٍ
Sitemizde detaylı hızlı ve kolay arama ekranı