اَلْحُكُكُ [el-ḩukuk] (zammeteynle) Ashâb-ı şerr ü fitneye ıtlâk olunur. Ve havâyic ve mühimmât talebinde ilhâh ve cidd ve ikdâm eden kimselere ıtlâk olunur; yukâlu: هُمْ حُكُكٌ أَيْ مُلِحُّونَ فِي طَلَبِ الْحَوَائِجِ Müfredleri حَاكٌّ [ḩâkk]tır.
اَلْحَكَكُ [el-ḩakek] (fethateynle) Ruhâma şebîh bir nevʹ ak taşa denir. Bu taş ak ve yumuşak olur, ʹArabistân taraflarında حَوَارِيٌّ [ḩavâriyy] taʹbîr ederler. Ve
حَكَكٌ [ḩakek] Omuzları oynatarak bodur adamın yürüyüşü gibi yürümeğe denir; yukâlu: يَمْشِي الْحَكَكَ وَهُوَ مِشْيَةٌ بِتَحَرُّكٍ كَمِشْيَةِ الْقَصِيرِ يُحَرِّكُ مَنْكِبَيْهِ Ve
حَكَكٌ [ḩakek] İsm olur, bir nesneyi rıfk ve letâfetle yonmağa ve perdâht eylemeğe denir. Ve davarın ayağı kayarlanmak maʹnâsınadır; yukâlu: حَكِكَتِ الدَّابَّةُ حَكَكًا مِنَ الْبَابِ الرَّابِعِ إِذَا نُحِتَتْ قَوَائِمُهُ خَفِيًّا
اَلْحَكَكُ [el-ḩakek] (fethateynle) Şol taşlardır ki ak olup mülâyim ola, küfeke maʹnâsına. Ve kâf’lar idgâm olunmadı فَعْلٌ [faʹl] ile فَعَلٌ [faʹal] fark olsun diye.
Sitemizde detaylı hızlı ve kolay arama ekranı