اَلشِّقِرَّاقُ [eş-şeḵirrâḵ] (şîn’in fethi ve kesri ve ḵâf-ı meksûre ve râ-i müşeddede ile) ve
اَلشِّقْرَاقُ [eş-şiḵrâḵ] (قِرْطَاسٌ [ḵirṯâs] vezninde) ve
اَلشَّرَقْرَاقُ [eş-şeraḵrâḵ] (şîn’in ve râ’nın fetha ve kesreleriyle) ve
اَلشَّرَقْرَقُ [eş-şeraḵraḵ] (سَفَرْجَلٌ [sefercel] vezninde) Bir maʹrûf kuş adıdır ki yeşil ve kırmızı ve beyâz benekler ile alaca ve münakkaş olur, arz-ı Ḩarem-i şerîfte dahi olur; bu kuş arı kuşu dedikleridir. Ve baʹzılar أَخْيَلُ [aḣyel] ile beyân eyledi ki boyunburan dedikleri kuştur, bâkin bunun benekleri siyâh olmakla bu değildir, belki arı kuşudur, Fârisîde kâskîne ve sebzek dahi derler.
اَلشَّقِرَّاقُ [eş-şeḵirrâḵ] (şîn’in fethi ve ḵâf’ın kesri ve râ’nın teşdîdiyle ve şîn’in kesri dahi lügattır) Şol kuştur ki ona boyunburan derler, benekleri olur, kâskîne maʹnâsına. Ve ʹArab tâ΄ifesi ona أَخْيَلُ [aḣyel] dahi derler ve onu şu΄m ʹadd ederler.
Sitemizde detaylı hızlı ve kolay arama ekranı